Kreu i Kuvendit Ilir Meta, shpreh dhimbjen dhe ngushëllimet e tij, për ndarjen nga jeta të shkrimtarit Dritëro Agolli. Në një deklaratë për mediat, Meta e cilëson Agollin si një reformator historik të letërsisë dhe politikës shqiptare.
“Sot bota shqiptare është më e varfër dhe dhimbja më e pamatshme. Si kryetar i Kuvendit por dhe si mik i tij, dua t’i shpreh ngushëllimet më të sinqerta familjes, Sadijes, Elonës dhe gjithë botës së kulturës sonë për këtë humbje të pazëvendësueshme.
Ngushëllime të gjithë botës së letrave shqipe dhe kulturës sonë. Reformator historik i letërsisë shqipe, reformator i jashtëzakonshëm edhe i politikës shqiptare me një kontribut historik. Burrë shqiptar me rrënjë të thella e karakter të fortë. Njeriu që jetoi në kohë modern me filozofinë e Naimit të tretjes së qiriut për të ndriçuar.”, tha Meta. (D.D/Shuplaka)
Discussion about this post