Pas ndarjes nga jeta të një prej penave më të shquara të letërsisë shqiptare, Dritëro Agolli, reagon Shefja e Reanimacionit, Alma Cani, e cila ka ndjekur nga afër gjendjen shëndetësore të Agollit.
Në një prononcim për “Ora News”, Cani shpjegoi se shkrimtari vuante prej vitesh nga probleme kronike të mushkërive dhe problemeve kardiake.
Sipas mjekes, janë pikërisht këto probleme, komplikimi i mëtejmë i të cilave, shkaktuan vdekjen e shkrimtarit.
“Përpara një jave, shkrimtari i madh Dritëro Agolli paraqitet në spitalin tonë, vuante prej vitesh nga probleme kronike të mushkërive, probleme kardiake për të cilat ai është asistuar në shtëpi dhe në momentin e ardhjes problemet respiratore dhe të ritmit kardiak të zemrës u rënduan.Plus këtyre dhe probleme cerebrale, duke u futur në kondicionet e një sufiçence multiorganore për të cilën u asistua në mënyrë intensive dhe të kualifikuar duke bërë asistencë invasive për problemet që ai paraqiti.Pavarësisht asistencës dhe trajtimit intensiv, ai ndërroi jetë përpara një ore.”, tha Cani.
Më pas mjekja tregoi se Agolli, ishte në asistencë respiratore për dy-tre ditë, por pas daljes nga aistenca respiratore situate e tij u komplikua edhe më tej. Cani tregon se pavarësisht ndërhyrjes së shpejtë të mjekëve, Agolli nuk arriti t’ia dilte mbanë. (D.D/Shuplaka)
