Pas vdekjes së Ylli Popës, vjen një mesazh ngushëllimi edhe nga Presidenti i Republikës, Ilir Meta. Në mesazhin e tij, Presidenti i Republikës i shpreh ngushëllimet familjes për këtë humbje të madhe, duke u shprehur se, shkenca shqiptare ka humbur një personalitet të shquar dhe shoqëria shqiptare ka humbur një zë me identitet të spikatur.
“Shkenca shqiptare ka humbur një personalitet të shquar si prof. Ylli Popa. Shoqëria shqiptare ka humbur një zë me identitet të spikatur. Mjekësia shqiptare humbi një nga profesorët, i cili vuri gurë themeli në kardiologjinë shqiptare.
Ngushëllime familjes për këtë humbje të madhe. U preftë në paqe dhe vepra e puna e tij janë dhe do mbeten gjithmonë në një vend të veçantë në historinë shkencës dhe akademizmit shqiptar”, shkruhet në mesazhin e Metës.
Ylli Popa është ndarë nga jeta në moshën 87 vjeçarare, pas një sëmundjeje të rëndë. Ceremonia e varrimit bëhet sot në orën 17;00. Mjek në profesion Popa ka qenë një nga kryetarët më jetëgjatë të Akademisë së Shkencave duke e drejtuar për dy mandate rradhazi, 10 vite.
Popa është lindur në qytetin e Elbasanit dhe pas studimeve të larta për mjekësi, ai e ka ushtruar profesionin në disa qytete të ndryshme. Momenti më kulmor në jetën profesionale të Popës është padyshim periudha kur ai ka qenë pjesë e grupit që qëndronte dhe monitoronte shëndetin e diktatorit Enver Hoxha.
(D.D/Shuplaka)
Discussion about this post