Për ndarjen nga jeta në moshën 87 vjeçare të akademikut Ylli Popa ka reaguar edhe Tritan Shehu. Ai i ka shprehur ngushëllime familjes duke theksuar se Popa ka qenë një personalitet jo vetëm si mjek por edhe për vlerat shumë të gjera që ka demostruar.
“Ngushellime te thella familjes, kolegeve e miqve per humbjen e Prof. Ylli Popes. Nje personalitet jo thjesht ne profesionin e tij si kardiolog apo mjek ne pergjithesi, por edhe per vlerat shume te gjera qe ka demostruar e ka lene mbas vetes. Nje mik i mire e i thjeshte edhe me ne qe ishim dikur studentet apo bashkepuntoret e rinj te tij, pikerisht ne fillim te karrieres sone mjekesore. Do te na mungoje te gjitheve.”, shprehet Shehu.
Theksojmë që Popa ka ndërruar jetë pas një sëmundje të rëndë , ndërsa ceremonia e tij e varrimit bëhet sot në orën 17:00.
Popa është lindur në qytetin e Elbasanit dhe pas studimeve të larta për mjekësi, ai e ka ushtruar profesionin në disa qytete të ndryshme.
Momenti më kulmor në jetën profesionale të Popës është padyshim periudha kur ai ka qenë pjesë e grupit që qëndronte dhe monitoronte shëndetin e diktatorit Enver Hoxha. (J.V/Shuplaka)
