Këshilltari për çështjet ekonomike në PD, Dorian Teliti ka folur në ‘Fax News’ në lidhje me ndërhyrjet e qeverisë në buxhet me aktin normativ të qeverisë.
Teliti tha se shtetit i mungojnë 75 milionë dollarë, para që nuk janë mbledhur. Sipas tij evazioni në vend vazhdon të rritet dhe klima për biznesin nuk është aspak e mirë.
Teliti paralajmëroi se nuk do të ketë rritje pagash për administratën, duke shtuar se gjendja për pensionistët më qeverinë e Ramës është përkeqësuar.
Ai gjithashtu ka folur edhe për skemën e PPP-ve që sipas tij duke iu referuar edhe disa studimeve serioze ndërkombëtare, kanë nxjerrë që skema të tilla janë problematike për vende në zhvillim si Shqipëria për shkak të menaxhimit dhe që sjell kosto të mëdha në të ardhmen.
Kokretisht ai u ndal edhe tek koncensionet e rrugëve duke vlerësuar se është një politikë e gabuar pasi kostoja është e madhe. Ati kritikoi edhe procesin që sipas tij jepen këto koncensione për mungesë transparence, duke I konsideruar si skema korruptive.
Ai deklaroi se shqiptarët do të paguajnë të paktën 120 milionë euro në vit për rrugët që do ndërtohen.
“Paratë nuk po shkojnë në drejtimin e duhur, por në disa xhepa”, tha ai ndër të tjera.
Discussion about this post