“Një ndërhyrje e NATO-s në konfliktin në Siri vetëm do të përkeqësonte situatën”. Kështu është shprehur sot sekretari i përgjithshëm i Organizatës Veri-Atlantike, Jens Stoltenberg, për gazetë gjermane “Bild”
“Ne jemi dëshmitarë të një krize të rëndë humanitare. Ndonjëherë, është e drejtë të ketë një vendosje ushtarake ashtu si në Afganistan”, tha Stoltenberg.
Sipas tij, një ndërhyrje e NATO-s në Siri mund të sillte një përkeqësim të situatës në rajon.
“Por shpeshherë, kostot e një operacioni ushtarak janë më të larta se përfitimet. Duke shqyrtuar situatën në Siri, anëtarët e NATO-s kanë arritur në përfundimin se një operacion i tillë do ta përkeqësonte më shumë situatën, tashmë e tmerrshme. Ekziston rreziku që kjo të transformohet në një konflikt rajonal akoma më të madh, ku shumë të pafajshëm po humbin jetën. Një vendosje ushtarake nuk është gjithmonë zgjidhje”, theksoi ai.
NATO dhe kryesisht SHBA është akuzuar shpesh për mosreagim përballë konfliktit në Siri, që ka marrë me mijëra jetë civilësh, përveç ushtarësh të të dyja kampeve rivale. (A.R/SHUPLAKA)
Discussion about this post