Partia Socialiste ka dorëzuar në Kuvend projektrezolutën për financimet e huaja në fushatat elektorale në vendin tonë.
Në draftin e siguruar nga Fax News dhe që është depozituar në Kuvend, thuhet se ndërhyrjet e huaja në fushtata polarizojnë opinion dhe nxisin aktet e dhunës dhe të urrejtes.
“Ndërhyrjet e huaja nxisin akte dhune dhe gjuhën e urrejtjes, janë rreziqe serioze për demokracinë. Ka një trend për tentativa për të ndikuar në vendimarrjen në Shqipëri. Ndërhyrja e huaj në fushata merr forma të ndryshme. Duhet të rritet ndërgjegjësimi për fushatat e dezinformimit të Rusisë.
Aktorë nga vendet e treta të përfshirë në ndërhyrje dashakeqe, shkalla e ndërhryjeve dashakeqe kërkon koordinim të të gjithë institucioneve. Aktorët të vijojnë përpjekjet për sigurimin e procesit të zgjedhjeve, institucionet duhet të hartojnë masa për kontrollin e financimeve. KQZ të adresojë transparencë për auditimin e partive”, thuhet mes të tjerave në projektrezolutën për financimet e huaja në fushatat elektorale.
