Kryeministri Edi Rama sot ndodhet në Korçë për të festuar Krishlindjet, por ndërkohë banorët e fshatit të Zharrëzës në Fier nuk kanë arsye pse të festojnë.
Pavarësisht se ka kaluar një javë nga tërmeti, ata ende vazhdojnë grevën e urisë.
Por, gjendja e tyre shëndetësore është përkeqësuar dhe pavarësisht kësaj ata nuk dalin nga greva.
Kjo sepse akoma nuk i është dhënë një zgjidhje problemit të tyre. Në videon e mëposhtme të publikuar nga nisma “Thurje”, shikohet qartë se në çfarë gjendjeje mjerane janë katandisur këta banorë.
Protesta e tyre ka nisur që me 19 dhjetor, që pas raportimit për tërmet në zonën e tyre.
Sipas banorëve të Zharrëzës, nuk bëhet fjalë për një tërmet natyror, por për shpërthim të një pusi nafte në puset që menaxhon kompania ”Bankers”. Ata ankohen për dëme të mëdha në shtëpitë e tyre. (D.D/Shuplaka)
Discussion about this post