Ndërmjetësimi në proceset gjyqësore, Drita Avdyli në “Fax News”: Ja çfarë përfitimesh kanë qytetarët në konflikt

Drita Avdyli, kryetare e Dhomës Komëtare të Ndërmjetësimit, e ftuar në “Fax News” ka folur mbi përfitimet që sjell procesi i ndërmjetësimit që tani është pjesë procedurale në proceset gjyqësore.

Avdyli tha se ndërmjetësimi është shumë i rendësishëm në proceset gjyqësore dhe shumëio i favorshëm në proceset e zgjidhjes së konflikteve të çfarëdo qofshin.

Ajo tha se shumë nga çështjet për të cilat shkohet në gjykatë mund të zgjidhen me ndërmjetësim me kosto shumë më të ulët, duke kursyer edhe kohë, ndërsa procesi i zgjidhjes së këtyrë problemeve është tërësisht konfidencial.

Ajo tha se vendimi i ndërmjetësit është restaurues dhe rregullon dhe marrëdhëniet mes personave të përfshirë në konflikt.

“Po,  ndërmjetësimi është pjesë e proceseve gjyqësore,  gjyqtari në çdo seancë i orjenton palët në ndërmjetësim. Ishte pjesë e reformës në drejtësi, për të qenë sa më pranë qytetarëve, pra qytetarët mos të shkojnë direkt në gjykatë por edhe nëse shkojnë të orjentohen kah ndërmjetësimi.

Të gjitha rastet që pashë tek websajti i gjykatës mendoj që ti drejtohen ndërmjetësimit dhe jemi shumë të lirë në treg si dhe të shpejtë në zgjidhjen e konfliktit”, tha ajo.

Më mirë një ndëmjetës apo një avokat?

“Shumë interesante, është pyetje për xhepat e qytetarëve, çdo person që ka një konflikt duhet t’i drejtohet ndërmjetësimit, pasi ne jemi konfidencial dhe kemi çmime shumë të lira. Hapi parë kur një familje ka një problem, direkt të drejtohet tek ndërmjetësimi, pasi është më e lehtë, nëse nuk zgjidhet atëherë është gjykata.

Avokati e çon çështjen në gjykatë, ndërsa ndërmjetësuesin e zgjedh vetë personi, meqë një konlikt zgjat shumë vjet, deri në 5 vite, ndërsa në ndërmjetësiom, 1 muaj, një tjetër avantazh është se në ndërmjetësim fitojnë të dy palët, fiton kohë, para, dhe të dhënat janë konfidenciale, sheshohen ujërat pa shkuar në gjykatë. Vendimi me ndërmjetësim është restaurues, gjykata nuk e zgjidh konfliktin madje pas vendimit të gjykatës konflikti mund të rikthehet, në ndërmjetësim zgjidhen konfliktet në marrëdhëniet mes njerëzve”, tha Avdyli në “Fax News”. (B.H/Faxweb)