Ndërprerja e energjisë për banorët e Astirit, reagon OSHEE

OSHEE ka reaguar pas pretendimeve të protestuesve në zonën e Astirit, se punonjës të bashkisë po heqin  shtyllat elektrike për të ndërprerë energjinë.

“Duke marrë shkas nga pretendimet e shfaqura në media nga disa banorë të zones se Astirit per nderprerje energjie, OSHEE sqaron: Nuk ka patur asnjë ndërprerje energjie per asnje objekt ne kete zone dhe furnizimi vazhdon normalisht. Ajo cka ka ndodhur mengjesin e sotem eshte zhvendosja e shtyllave te ndricimit publik rrugor, në kuadër te kantierit qe po ngrihet ne zbatim te projektit te rehabilitimit te segmentit Pallati me Shigjeta – Sheshi Shqiponja.”- njofton OSHEE.

Kujtojmë se ditën e sotme gjatë punimeve të punonjësve të bashkisë, banorët e zonës së Astirit, të cilët po protestojnë, pasi në kuadër të projektit të Unazës së Re do tu shemben banesat, janë konfliktuar me punonjësit e bashkisë, gjë që ka bërë që këto të fundit të ndërpresin punimet dhe të largohen.

“Na hoqën dritat për hakmarrje”, banorët e Astirit përplasen me punonjësit e bashkisë

(M.Q/Faxweb)