Ndërpreja e transmetimit të sinjalit te Ora News në platformën “Digitalb” dhe në paketat e ofruara prej saj ka sjellë edhe reagimin e qytetarëve të ndryshëm të cilët kanë paguar për të patur në paketen e tyre të sherbimit televiziv edhe kanalin e televizionit informativ Ora News.
Në emsionin e mengjesit “Ora Juaj” të drejtuar nga Patrik Sadikaj pati edhe gjatë ditës së premte me dhjetra telefonata nga qytetarë nga zona të ndryshme të vendit per edhe nga jashte Shqipërisë që paraqitën këtë shqetësim.
Qytetarët ankohen pasi kanë paguar për shërbimin e kërkuar dhe tani po përballen me errësirën e imponuar nga një ndërprerje e njënashme e kontratës me platformën e transmetimit.
Madje kishte nga ata qytetarë të cilët kërcënuan se do te hidhnin ne gjygj kompaninë që ofronte shërbimin pasi nuk ka raspektuar kontratën me secilin qytetar.
Ndërkohë shumë të tjere kanë kontaktuar me studiot e Ora News edhe permes mjeteve te tjera të komunkimit duke shprehur pakënaqësinë e tyre për ndërprerjen e transmetimit të këtij televizioni nga ane e Digitalb.
