Në çdo zgjedhje në vendin tonë një nga problematikat që evidentohet është edhe vonesa në procesin e numërimit të votave nga ana e KZAZ-ve. Edhe gjatë ditës së sotme në disa prej tyre është ndërprerë procesi i numërimit.
Kryetari Klement Zguri por edhe përfaqësues të subjekteve politike e kanë cilësuar si të papranueshëm ndërprerjen disaorëshe të numërimit në disa KZAZ në mbledhjen e KQZ-së.
Në fund të mbledhjes, Zguri ka bërë në një prononcim për Top Channel një pasqyrim të situatës.
“KQZ po monitoron hap pas hapi procesin në të gjitha KZAZ-të. Dimë që në 13 KZAZ ka përfunduar numërimi, në 44 vijon, në 34 KZAZ të tjera është ndërprerë. Më alarmante janë disa vendimmarrje të KZAZ-ve që kanë vendosur ta ndërpresin për disa orë, që është një vendimmarrje e papranueshme për ne. KQZ do t’u bëjë thirrje KZAZ-ve që kanë marrë këto vendime që t’i kthehen numërimit”, ka deklaruar Zguri.
(E.K/SHUPLAKA)
