Tetë grevistët kanë ndërprerë grevën në Shkodër. Ndërprerja e saj mësohet të jetë arritur në orën 03:20 pas mesnate, në sajë të ndërhyrjes së kreut të Bashkimit të Pavarur të Sindikatave, Albert Tukaj.
Në marrëveshjen me grevistët, kreu i BSPSH-së premtoi gjetjen e një ambient të përshtatshëm për zhvillimin e grevës.
Shtatë qytetarë vendosën të hynin në grevë pasi nuk po merrej në konsideratë kërkesa e tyre për dëmshëpërblimin e përmbytjeve të viteve 2010-2011 në Shkodër.
Banorët që hynë në grevë urie ishin: Gjon Lasku, Pal Marku, Frrok Kola, Lush Ndoci, Arben Kola, Mhill Guri, Skënder Mhilli dhe Dritan Ndreu. Ata kishin dorëzuar më herët në polici kërkesën për zhvillimin e grevës.
Lidhur me grevën e urisë që po zhvillohej në kushte çnjerëzore, reagoi edhe kryebashkiakja e Shkodrës, e cila u shpreh se banorët ishin në të drejtën e tyre. (XH.A/SHUPLAKA)
