Monika Kryemadhi ka zbuluar detaje interesante nga jeta e saj bashkëshortore me kryeparlamentarin Ilir Meta, duke u ndalur ndër të tjera tek krononlogjia e historisë së dashurisë së tyre, taktikën që ndjek ajo me bashkëshortin sipas këshillës së gjyshes dhe veset që ka Ilir Meta.
“Unë e kam njohur Ilir Metën në vitin 1991, jemi dashuruar në vitin 1994, ndërsa në ’98-ën erdhi në jetë Bora. Kemi 23 vite bashkë. Ne jemi çift shumë i çuditshëm, pasi furtunat në familjen tonë kanë qenë vetëm politike. Uroj që çiftet të jenë si ne.”, ka rrëfyer Monika Kryemadhi, e cila ka zbuluar edhe një “taktikë” që ndjek për të mos ia bërë të mërzitshme Metës martesën.
“Ndërroi vendin mobiljet se i duket burrit sikur ka ndërruar gruan.”, më thoshte gjyshja shpeshherë dhe unë i ndërroj.”, është shprehur ajo duke qeshur.
E sa i përket veseve që e karakterizojnë kryetarin dhe njëherazi kreun e LSI-së, Ilir Metën, bashkëshortja e tij ka zbuluar gjëra mjaft interesante në emisionin “Vila 24”.
“Ilir Meta është maskilist si person, në kuptimin që ka shoqëri me shumë burra dhe nuk është shumë xhentil në marrëdhënie me mua. Ka disa vese, për shembull: Kur lan dhëmbët e bën lavamanin shumë pis me ujë, televizorin s’e kontrollon dot me shumë telekomanda, sendet personale ia blej unë, shampo deodorant… I them “më kujto dy ditë para që të mbarojnë.”
(XH.A/SHUPLAKA)
(Monika Kryemadhi)
Discussion about this post