Ka ndërruar jetë në moshën 66-vjeçari aktori veteran Indian Om Puri. Lajmi është bërë i ditur nga familjarë të tij.
Shkak mësohet të jetë bërë një atak në zemër që ai ka pësuar gjatë qëndrimit në rezidencën e tij në Mumbai. Mësohet se ai ndërroi jetë mëngjesin herët të së premtes, pak orë pasi ishte kthyer në shtëpi pas xhirimeve të një filmi.
Lajmi i hidhur është konfirmuar për “indianexpress.com” nga regjisori indian Ashoke Pandit, një mik i ngushtë i aktorit, i cili u shpreh: “Om vuajti nga një atak në zemër mëngjesin e sotëm. Sapo mbërritëm në rezidencën e tij.”
Aktori Om Puri njihet për rolet e luajtura jo vetëm në Indi por edhe më gjerë. I lindur më 18 tetor 1950, ai bëri debutimin e tij të parë në filmin “Ghashiram Kotëal” në 1976. (XH.A/SHUPLAKA)
Discussion about this post