Ndërron jetë diplomati gjerman, u gjet i pajetë në Tiranë

Një diplomat gjerman është gjetur i pajetë në banesën e tij në Tiranë. Michael Gumprich, pjesë e stafit të Ambasadës gjermane u gjet i vdekur brenda banesës së tij.

Burime të Policisë së Tiranës bënë me dije se lajmi për diplomatin gjerman u mor në mesnatë dhe dyshohet paraprakisht se vdekja e tij ka ardhur për shkaqe natyrale.

Gumprich jetonte në një banesë me qira pranë Ambasadës Gjermane dhe ndodhej në Tiranë me detyrë Sekretar i Dytë i Ambasadës.

Detaje të Policisë së Tiranës:

Më datë 05.03.2017, rreth ores 02:10, jemi njoftuar nga Ambasada Gjermane, se ka ndërruar jetë në banesë diplomati i Ambasadës Gjermane shtetasi M.G. 54 vjeç. Mendohet se vdekja ka ardhur nga shkaqe natyrale, atak kardiak.

(XH.A/SHUPLAKA)