Është ndarë nga jeta në moshën 67-vjeçare këngëtari Françesk Radi. Vetëm pak ditë më parë ai u shtrua me urgjencë në QSUT dhe ndodhej në reanimacion në gjendje shumë të rëndë shëndetësore për shkak të një hemorragjie. Radi ka ndërruar jetë orës 15:30 të ditës së sotme.
Nën shoqërinë e bashkëshortes Tefta, mbesës Rozana Radi dhe të tjerëve të afërm, ai mbërriti në gjendje kritike për jetën.
E dërmuar mes lotësh ditë më parë gruaja e tij Tefta Radi ka bërë thirrje që ai të mjekohet jashtë vendit. “Nëse autoritetet kanë mundësi për ta dërguar jashtë për një mjekim më të specializuar ju lutem ta bëjnë”, tha mes lotësh Tefta Radi pasi ndodhej në spital pranë burrit të saj.
Pas apelit të gruas së tij Tefta për ndihmë, Rozana Radi, mbesa e këngëtarit u lur publikisht për xhaxhain e saj.
‘Lutem per ty ! Zoti do tregohet i mëshirshëm e do të lerë këtu me ne! Është shumë herët për t’u larguar. Kemi nevojë në tokë për ty’, u shpreh Radi. (J.V/Shuplaka)
Discussion about this post