Pas 5 ditësh në gjendje kome Nicky Hayden nuk ka mundur të mbijetojë. Ish-piloti i njohur ka ndërruar jetë në spitalin Bufalini në Cesena të Italisë.
“Kolegji mjekësor konfirmoi sot ndarjen nga jeta të pacientit Nicholas Patrick Hayden, që u shtrua në spital më 17 maj, në repartin e reanimacionit, pas disa problemeve të rënda shëndetësore të shkaktuara nga një aksident në të njëjtën ditë”, thuhet në një komunikatë nga spitali.
Ai po stërvitej me biçikletë bashkë me disa miq, kur u përplas me një makinë në një kryqëzim. Stafi i spitalit ku piloti amerikan ishte shtruar lëshoi sot këtë komunikatë.
Hayden konsiderohet si një nga motoçiklistët më të mirë të viteve të fundit.
(S.SH/Shuplaka)
