I riu shqiptar, Florenc Beqiraj ka ndërruar jetë në Francë. “Fax News” raporton se familjarët janë në gjendje shoku pasi të riut i janë hequr tubat.
Florenc Beqiraj, i riu shkodran i cili u masakrua në burgun e Marsejës, u nda nga jeta pasi luftoi për disa ditë me vdekjen në shtratin e spitalit.
23-vjeçari mbahej gjallë vetëm përmes aparaturave. Prej dy vitesh i riu ishte në Francë e po përpiqej të përfitonte azilin.
Ai është ndaluar nga policia dhe për mungesë dokumentacioni përfundoi në burg. Pikërisht gjatë kësaj periudhe ka ndodhur fatkeqësia ende e pazbardhur që e çoi Beqirajn në këtë gjendje.
Ai u gjet i masakruar, me njolla në trup dhe një shenjë teli në fyt. Zërat që thonë se i riu ka tentuar vetëvrasjen nuk pranohen nga familja.
Të tjerë mendojnë se Florenci është masakruar në burg, ose nga policia, ose nga të dënuarit e tjerë.
