Ish-astronauti John Glenn, i pari amerikan që fluturoi rreth Tokës, ka ndërruar jetë në moshën 95-vjeçare. Ai vdiq pas një qëndrimi një javor në një spital në Ohio, i rrethuar nga bashkëshortja e tij për 73 vjet dhe fëmijët.
John Glenn fluturoi në vitin 1962 në bordin e “Friendship 7” për rreth pesë orë, duke u bërë kështu astronauti i parë amerikan që fluturoi rreth Tokës. Më 1998-ën, 36 vjet pas fluturimit të tij historik, ai u bë edhe njeriu më i vjetër në moshë që fluturoi në hapësirë, në moshën 77-vjeçare.
Glenn iu përkushtua jetës politike për 24 vjet dhe arriti të kishte sukses edhe në biznes.
Në vitin 2011, ai u vlerësua me “Congressional Gold Medal”, çmimi më i lartë civil dhe një vit më vonë, presidenti Barack Obama i akordoi atij “Presidential Medal of Freedom”. Në një deklaratë pas vdekjes së astronautit John Glenn, ndër të tjera Obama tha: “Glenn e kaloi gjithë jetën e tij duke thyer barriera. Ai është një hero i vërtetë amerikan.”
