Shtetësja italiane e aksidentuar pasditen e sotme në Pogradec ka ndërruar jetë në spitalin e Traumës.
Elena Rabaelli 31 vjeçe ishte duke ngarë një motor së bashku me një shtetas tjetër italianë, kur i prenë rrugën një kamionçine e cila i përplasi.
Rabaelli u dërgua fillimisht në spitalin e Korçës në gjendje të rëndë, më pas një helikopter e mori drejt Tiranës, në spitalin e Traumës. Ajo nuk mundi t’i mbijetojë lëndimeve të marra gjatë aksidentit dhe humbi jetën në spital.
Ky është një tjetër aksident ku përfshihen turistë italianë, kujtojmë pak javë më parë dy italianët që humbën jetën në Sarandë në një aksident me motor.
Discussion about this post