Besnik Zenuni, pronari i lokalit në Velipojë që u përfshi nga flakët ka ndërruar jetë . Zenunaj nuk mundi t’i shpëtonte plagëve të marra nga zjarri pasi 95% e trupit të tij ishte e djegur. Ai ka ndërruar jetë mbrëmë në orën 23:30.
55-vjeçari ishte pronari i lokalit që ditën e shtunë u përfshi nga flakët në Velipojë pas një rrjedhje gazi në bodrumin e këtij lokali.
Menjëherë pasi ndodhi ngjarja e rëndë ai u nis me urgjencë drejt QSUT-së Tiranë, për një kurim të specializuar por plagët që kishte marrë nuk ishin të pakta.
Në QSUT po mjekohet edhe i biri i tij Hektor Zenuni, edhe ky u përfshi nga flakët si i ati mëngjesin e së shtunës. Po kështu duke u mjekuar është Saida Spahia 19 vjeç e cila ndodhet në spitalin Rajonal të Shkodrës.
Ditën e shtunë mjeku Gjergji Belba në QSUT u shpreh: “Pacientët me diegie të rënda në trup, në gjendje kritike për jetën”.
Nga kjo ngjarje e rëndë 20 perosona të tjerë morën ndihmën mjekësore në spitalin e Shkodës, ndodhen jashtë rrezikut për jetën. (J.V/Shuplaka)
