Ervin Goci për “Fax News” ka deklaruar se në lidhje me ndërtimet në Divjakë për resortin turistik duke u shprehur se do të shkatërrohet përfundimisht parku atje.
” Nga të gjithë këto modele ndërtohet modeli aziatik kinez. Shkatërrohet përfundimisht parku. Pse nuk ka një zhvillim për këtë zonë në lidhje me parkun. Shqiptarët po kalojnë në një fazë ndërgjegjësimi. Nuk ka asnjë lloj argumenti në lidhje me këtë ndërhyrje. Argumenti i shpartallon. Pasi jemi në një proces integrimi. kemi detyrime habitati. Dhe nëse duam të futemi në BE duhet t’i plotësojmë këto detyrime. Siç është mbrojtja e zonave të natyrës. Si fillim duhet të ishin përcaktuar cilat janë zonat e mbrojtura nëpërmjet një studimi në mënyrë që të dimë ku të ndërhyjmë. Shteti fle gjumë më qëllim pasi nuk ka interes të mbrojë asnjë lloj zone. Nesër do na vijë raporti që nuk na lejon të futemi në BE pasi nuk kemi respektuar atë që kemi firmosur: Mbrojtjen e zonave natyrore. Kjo ka pasoja direkte në pjesën e integrimit. Shoqëria duhet të reagojë.”, u shpreh Goci.
Taulant Bino, ekspert për biodiversitetin
“Divjaka nuk është zonë e rëndësishme vetëm për Shqipërinë por për të gjithë rrjedhën e Adriatikut. Ka vlera trashëgimie kulturore dhe ky projekt nuk ndikon fare. E gjithë zona nga pikëpamja arkeologjike nuk preket nga ky projekt i turizmit. Kemi asete të rëndësishme për zhvillimin e turizmit. Eshtë pronë publike prandaj po shkojmë atje sepse po të ishte private do të kishte më tepër kosto. Kjo është një histori njerëzish që duan të pasurohen duke përdorur tokat publike. Ne po ju tregojmë një model tjetër zhvillimi, jo atë të shkatërrimit të natyrës. Nëse nuk do të mjaftojë kjo rrugë administrative që ne po ndjekim do të ecim në rrugën e gjykatave. Jemi të vendosur t’i shkojmë deri në fund kësaj çështjeje. Ky është një studim që duhet ta kishte bërë shteti. Shteti nuk e ka bërë por e bëri një grup organizatash. Shteti sot është i pabesueshëm. E njëjta gjë ndodhi dhe me çështjen e Valbonës. Gati u zunë me grushta e ndërkohë shteti fle gjumë.”, u shpreh ai. (F.M/Faxweb)
