INUK (Inspektoratit Ndërtimor Urbanistik Kombëtar) në bashkëpunim me IVMT (Inspektorati Vendor i Mbrojtjes së Territorit) kanë ndërhyrë në zonën e Shëngjinit duke prishur disa kioska të ndërtuara përgjatë vijës bregdetare.
Janë gjithsej 40 kioska me leje dhe pa leje që janë planifikuar të prishen. Ndërhyrja ka nisur në zonën e Kunës për të vijuar më pas në të gjithë vijën bregdetare.
Në terren ka forca të shumta policie ndërkohë që disa pronarëve të këtyre bizneseve që janë të pranishëm i është dhënë afat deri nesër ti prishin vetë kioskat.
Pronarët e këtyre kioskave nuk kanë paraqitur kundërshtime dhe aksioni po vijon.
