Në lidhje me ndërtimet në kryeqytet në studion e ‘’Fax News” ka qenë i ftuar aktivisti i shoqërisë civile Zirkon Disha.
Në studion e lajmeve ata kanë folur në lidhje me ndërtimet në zonën e ‘’Rrugës së Elbasanit”, të cilat janë bërë pa kritere.
Pyetja që shtrohet është padyshim një: pse këto ndërtime në një kohë që kryebashkiaku Veliaj kur ka marrë detyrën ka premtuar diçka tjetër?!
“A është Tirana në gjendje që ta përballojë këtë situatë?! A ka ndonjë kosto ekonomike për qytetarët, a ka ndonjë kosto shëndetësore?! Këto janë pyetjet që ngrihen në këtë rast.
Tirana është pa ujë, ndërkohë që ndërtohen një sërë kompleksesh të tjera.
Është një kompleks, një kullë rreth 33 kateve, ku pritet që të ketë 2-3 vite kohë për ndërtim dhe është një tallje me qytetarët.
Ndërkohë që në një anë është e kufizuar një pjesë e trafikut, brenda parkut luhet, pjesë e propagandës së Bashkisë dhe të qeverisë.
Të paktën në dijeninë time janë të paktën 15 pika ku ndërtohet, ndërtohet. Rasti më flagrant është pranë Policisë Bashakiake në zonën e ish-parkut. Edhe pse pati një reagim ndërtimet vijojnë.
Ka pasur mijëra apartamente të pashitura, kur mori detyrën Veliaj dhe u pyet nëse do të kishte ndërtime të reja, u përgjigj jo.
Një vit më vonë nga marrja e detyrave, nuk dihet se në çfarë logjike, vijnë këto ndërtime. Këtu i jepet hapësirë dhe akuzave që vijnë nga ana e opozitës se po pastrohen paratë e pista të drogës.
Biblioteka Kombëtare ka dy vjet që është e rrethuar me beton. Edhe pse është inaguruar, ata japin idenë sikur aty po punohet, ndërsa realisht po shkatërrohet”, u shpreh ndër të tjera Disha.
(E.K/FAXWEB)
