Belinda Balluku, ministrja e Infrastrukturës dhe Energjisë ka bërë të ditur lajmin se është miratuar kontrata për dhënien e koncesionit për ndërtimin e aeroportit të Kukësit.
Ka qënë Këshilli i Ministrave ai i cili e ka miratuar vendimin në mbledhje e fundit të Qeverisë.
Ndërkohë pas bërjes publik të lajmit Balluku ka dhënë dhe detaje se sa do të jetë kohëzgjatja e kontratës së koncesionit, sa persona priten të punësohen dhe synimin e ndërtimit të aeroportit gjithashtu.
“Kontrata sot u miratua me vendimin e Këshillit të Ministrave. Hyrja e saj në fuqi i hap rrugë ndërtimit të Aeroporti të Kukësit. Kohëzgjatja e kontratës së koncesionit është 35 vite, kohëzgjatja e zbatimit të punimeve dhe afati i vënies në operim është 24 muaj, vlera e rehabilitimit të aeroportit të Kukësit është rreth 8 milionë. Nga zhvillimi i projektit ndërtues dhe më vonë në atë të zhvillimit të aktiviteteve në Aeroportin Ndërkombëtar të Kukësit, do të punësohen fillimit 220 persona. Ndërkohë, që nga përllogaritjet dhe kryqëzimi i të dhënave të projekteve të ngjashme mbështetur dhe në destinacionet e ndërtimeve që do të kryhen, numri i punonjësve që do të punësohen pritet të shkojë rreth 12 mijë persona në fazën finale të realizimit të këtij projekti,”-u shpreh Balluku
Ndërtimi tij nisi në muajin maj të 2002, me fonde te Emirateve të Bashkuara Arabe. Sipas projektit të ndërtimit, në këtë aeroport është parashikuar që të zbresin njëherësh deri 5 avionë.
