Ambientalisti Sazan Guri i ftuar në Fax News u shpreh se ndërtimi i një landfilli riciklimi mbetjesh në Pezë Helmës do të shumfishojë ndotjen, pasi është zgjedhur zona e gabuar për të ndërtuar këtë impiant. Sipas Sazan Gurit ndëtimi i impiantit është pa leje mjedisore.
“Pezë Helmës, e zëmë se është njëjta teknologji për ndërtimin e impiantit, por për vende të ndryshme ndotja ka dëme të ndryshme. Ndotja normale, për zona të ndryshme, përhapet ndryshe, siç është zona e Pezë Helmësit e cila është një zonë e mbyllur, i përcjell ndotjet menjëhere. Teknologjia e impiantit shkaton ndotje të mëdha. Në atë zonë kemi një shkollë, fabrika të ndryshme qumështi, peshku, mishi, vetë zona e ka mërrë një drejtim të caktuar në zhvillimin ekonomik, që është krijimi i një industrie bujqësoro-industriale. Prandaj në këto kushte, zona është zgjedhur gabimisht. Kjo nuk është marrë parasysh, as vendi, as zona, as nuk janë pyetur qytetarët. Prania e ndotjes me njeriun në atë zonë është e ekspozueshme.
Ndërtimi i mpiantit është pa leje mjedisore. Ky vend mund ta shumëfishojë ndotjen. Këto janë vendimarrës të paedukatë, gjyqi është i fituar, pasi leja e mjedisit përmban dhe një takim me publikun. Nëse bashkia kërkon të nguli këmbë, unë i mbledh 3000 vetë për t’i thënë jo këtij ndërtimi. Janë 1800 persona që do ta mbrojnë. Në këtë zonë dëmi është 10 herë më i madh.”
(M.Q/Faxweb)
