Ndërtimi i HEC-ve në Valbonë, Klosi: Do të ishte mirë mos të ishte investuar, natyra duhet të ruhet siç është

Ministri i Mjedisit dhe Turizmit Blendi Klosi i ftuar në Fax News foli për ecurinë e sezonin turstik, për sfidat dhe problematikat që hasin qytetarët.

Gjithashtu Klosi foli dhe për ndërtimin e HEC-ve në Valbonë, ku u shpreh se natyra duhet të ruhet siç është dhe sipas tij do të ishte mirë që në këtë zonë të mos ishte ndërtuar.

“Për sa i përket Valbonës unë them se duhet të ruhet natyra siç është. Ministria e Mjedisit dhe Turzimit është aty për të ruajtur një ekuilibër midis turizmit, mjedisit dhe zhvillimit industrial.

Do të ishte mirë mos të ishte investuar. Natyra duhet të ruhet siç është Do të ishte mirë që dhe gjykata mos të mbronte vazhdimin e ndërtimit të HEC-ve në Valbonë. Do ta kisha frenuar. Realisht kemi nevojë që komunitete të ndryshme qytetare të mbrojnë pasuritë natyrore.

Nuk mund të pranojmë që HEC-t të transformohen në epidemi. Kam kërkuar që të jepet shumë pak leje për HEC-e në zhvillim. Duhet riparë mania e ndërtimit të HEC-ve.”

Për sa i përket publikimit të faturave nga qytetarët në rrjetet sociale, Klosi tha se kjo është një çështje që e ka shqetësuar.

“Është një çështje që na ka shqetësuar, ka sensibilitetin e saj. Duhet të ketë më shumë transparencë nga bizneset dhe nga lokalet. Ajo që ne kemi kërkuar me forcë është që lokalet të kenë të afishuar listën e tyre të çmimeve. Dhe ajo që duam është prerja e kuponave tatimor, pasi kuponi tatimor jo vetëm rrit kontributin që bëjnë lokalet në taksat e shtetit, por edhe për klientët është një lehtësi. Natyrisht duhet të tentojmë që të kemi më shumë tursitë të huaj. Debate ndërmjet çmimit dhe cilësisë është i vazhdueshëm, ajo që ne kërkojmë është rritja e cilesisë së shërbimit. Vjet kemi pasur 5 milion turistë sivejt janë 10-20 % më shumë se vitin që kaloi.”

Më tej ministri Klosi rreshtoi dhe disa problematika që po has turizmi ku sipas tij së pari është siguria publike.

“Së pari është siguria në plazhe, ajo çfarë garanton policia e Rendit, deri tani sezoni ka qenë i kontrolluar falë menaxhimit pozitiv të policisë së shtetit. Ka një vendim që detyron pushtetin lokal për çdo përdorues që të vendosi vrojtues plazhi. Një vrojtues plazhi është si një sistem që duhet të ngrejmë, pasi ato janë aty për çdo situatë emergjente dhe që e njohin terrenin. Së dyti është problemi i pastërtisë, por mund të them se sot plazhet shqiptare janë shumë më të pastra se një vit më parë.”

(M.Q/Faxweb)