Fshati i Verrisë në Fier, i cili u bë i njohur për opinionin publik për ngritjen e një inceneratori për mbetjet urbane në këtë zonë, tashmë është kthyer në një fshat të braktisur. Të gjithë po largohen nga aty pasi humbën me protestat dhe peticionet e nënshkruara në kundërshti të ndërtimit të inceneratorit.
Banorët nuk shohin të ardhme pasi impianti i mbetjeve do të helmojë ajrin ujin dhe tokën. Kjo popullsi fermere dhe blegtore e sheh jetën të paralizuar këtu ndaj dhe shumë kanë marrë rrugët e emigrimit.
Por kjo nuk i ka penguar ata me mbështetjen e avokatëve dhe ambjentalistëve që të hapin një proces gjyqësor me të cilin kërkojnë që të anullohet vendimi për ndërtimin e këtij inceneratori.
Sot ishte seance e radhës në gjykatën Administrative të Shkallës së Parë në Tiranë ku për migrofonin e Fax Neës ambientalisti Lavdosh Ferruni u shpreh se ndërtimi i tij është i dëmshëm për ekonominë dhe banorët e zonës.
“Nga pikëpamja ekonomike është e papërshtatshme, qoftë nga pikëpamja sociale ashtu edhe ushqimore pasi mund të transmetohet ndotja për shkak të inceneatorit. Ndotja e tij cilësohet si më e rrezikshmja në planet, ne do ta fitojmë këtë betejë dhe nuk ka për tu ndërtuar. Ai ka kosto të mëdha për vendin tonë si dhe është i rrezikshëm për banorët. Banorët kanë paraqitur provat në gjykatë që e dëshmojnë këtë gjë”, tha ndër të tjera Ferruni.
Ndërkohë avokatja Dorina Ndreka e cila mbron palën paditëse tha se ky project nuk duhej lejuar as në parim pasi kontrata përmban shkelje të rënda ligjore.
Ajo shtoi se është optimiste që deri në muajin Gusht do të merret një vendim pozitiv në favor të banorëve.
“Së pari ky projekt nuk duhet të ishte ndërtuar si parim pasi ka opsione për zgjedhje shumë të mira. Nga ana tjetër, shkeljet janë shumë flagrante, po ndërtohet në tokë bujqësore ku ligji e ndalon, po ndërtohet pa miratimin e publikut, ka mungesa të theksuara ligjore. Ne shpresojmë që gjykata administrative ti konstatojë këto shkelje si të paligjshme. Palët e paditura nuk janë paraqitur dhe kjo nuk ndikon as për mirë as për keq. Shoqëria e ndërtimit ka qenë në 2 seancat e kaluara por gjykimi mund të vazhdojë edhe në mungesë të tyre. Sot u ndërpre për shkak se orari i parashikuar ishte i gjatë por nuk besoj se do të shtyhet shumë si ëështje. Unë parashikoj që ky proces do të mbyllet para muajit Gusht”, tha avokatja Ndreu.
(F.GJ/FAXWEB.AL)
