Shoqëria Civile është duke mbledhur firmat për peticionin kundër shkatërrimit të lulishtes tek Parku i Autobusëve në kryeqytet. Sipas aktivistit Klodi Leka nga bashkia e Tiranës duhet të ndalojë punimet në këtë lulishte pasi janë të paligjshme. Ai iu bën thirrje të gjithë qytetrëve që ky peticion të firmoset nga sa më shumë njerëz.
“THIRRJE PËR VULLNETARË. Sot në ora 5 vazhdon aksioni për mbledhjen e firmave të peticionit kundër shkatërrimit të lulishtes tek Parku i Autobusëve. Lagja është e madhe, prandaj ka nevojë për sa më shumë përfshirje. Kushdo që ka mundësi dhe dëshirë ta konfirmojë këtu ose në inbox ju lutem. Ky është peticioni drejtuar Bashkisë për të ndaluar punimet e paligjshme ne Park. Pritoje, nënshkruaje, fto edhe të tjerë ta nënshkruajnë dhe sille nesër në orën 6:30 te Parku i Autobusëve”, shkruan aktivisti Klodi Leka.
Sjellim në vëmendje që prej disa ditësh vijin protesta në këtë park pasi firma e ndërtimit e Mihail Delijorgjit ka prishur një lulishte me leje të bashkisë dhe ka nisur punimet për ndërtimin e një kompleksi pallatesh.
Mirëpo mësohet se plot 11 prej protesuesve, që ditën e parë të protestës tentuan të rrëzojnë murin rrethues që ka ngritur firma në zonën ku po kryhen punimet, janë shoqëruar në polici. Sakaq, mësohet se një tjetër akuzë ndaj protestuesve është “kundërshtimi i forcave të policisë”, pasi ditën e dytë të protestës ka pasur një përballje mes dy palëve.
Nuk janë të pakta edhe përplasjet mes nënkryetarit të Bashkisë Arbi Mazniku dhe Jamarbër Malltezit pasi ky fundit akuzon atënënkryetarine ky ndërtim është i paligjshëm. (J.V/Shuplaka)
Discussion about this post