Banorët pranë Insitutit Bujqësor janë të shqetësuar për faktin se nuk kanë se ku të kalojnë për të dalë në rrugën kryesore.
Universiteti Bujqësor po ndërton një mur rrethues, për territorin e Universitetit. Banorët shprehen se ky mur nuk lejon 6 familje të kenë dalje në rrugë dhe iu është sugjeruar që të dalin në oborret e njëri- tjetrit. Për shqetësimin e banorëve ka reaguar edhe administratori i Universitetit Bujqësor, Edmond Tërthorja I cili është shprehur se muri rrethues ka kaluar në gjurmët e pronave dhe se problemi duhet të zgjidhet nga Bashkia Kamëz.
Banorët e Kamzës janë shprehur për mikrofonin e FaxNews se kanë mbetur të bllokuar dhe se po kalojnë në oborret e fqinjëve.
“Ne nuk e morëm vesh fare më përapara por pamë që para shtëpive tona po bëheshin punime. Rruga ka qenë 4 metra, shkuam dhe te Rektori I Universitetit, ai na priti mire dhe tha du ju japim një zgjidhje, pas një jave thanë nuk ju japim dot zgjidhje, merruni vesh me njëri tjetrin. Në fillim kryetari I Bashkisë Kamëz në fillim ishte për zgjidhje tani është për jo.
Ne na kalojë 6 familje në oborrin e shtëpisë. Unë e kam tokën të legalizuar ndërsa insituti I thotë banorëve të kalojnë përpara shtëpisë sime.
Po na thonë që komshiu ka ndërtuar pa leje ,dhe kaloni aty dhe tani ne po futemi në konflikt me fqinjët tanë, jemi pa zgjidhje. Kërkojmë rrugën e vjetër, ku kemi pas kaluar më përpara.”- janë shprehur banorët.
Discussion about this post