Banorët e fshatit Sheqeras në Korçë kanë protestuar ditën e sotme kundër projektligjit për ndërtimin e një TEC-i në këtë zonë, i cili thuhet se do të përdorë si lëndë djegëse “torfen”.
Ata janë shprehur se nuk do të lejojnë ndërtimin e këtij TEC-I që do ta kthejë fshatin në një zonë të pabanueshme dhe për të cilin nuk janë njoftuar : “Nuk do të lejojmë ndërtimin e TEC-it. Nuk na ka pyetur askush. Jemi kundër TEC-it që do ta kthejë zonën në të pabanueshme. Do të vijojmë protestat duke bllokuar rrugët nacionale.”
Kjo protestë është mbështetur edhe nga Partia Demokratike, e cila shprehet se ky projekt do të dëmtonte së tepërmi shëndetin e njerëzve, bujqësinë dhe turizmin.
“Vendimi për ndërtimin e TEC-it është jo transparent. Nuk është konsultuar dhe diskutuar me banorët e zonës. Vepra energjitike dëmton shëndetin e banorëve dhe shkatërron përfundimisht bujqësinë. Qeveria kërkon të ndërtojë Tec-in për të zhvendosur banorët nga shtëpitë e tyre. PD do të mbështesë banorët në reagimin e tyre, për të mos lejuar ndërtimin e kësaj vepre energjetike. Qeveria e kanabisit dhe fasadave tani kërkon të ndërmarrë një tjetër aferë korruptive dhe kriminale në dëm të shëndetit, jetës ,bujqësisë dhe turizmit.
