Trajneri Gianni De Biasi nuk ka pranuar të zbulojë formacionin në konferencën për shtyp para ndeshjes me Italinë. 60-vjeçari nga Sarmede ka thënë se ka 3-4 gjëra ende të paqarta, të cilat duhet “t’i sistemojë” sot, para se të vendosë për 11 titullarët, që do të hedhë në fushë, në “Renzo Barbera”, prej orës 20:45.
Megjithatë, gazeta sportive italiane “Corriero Dello Sport”, përmes burimeve të veta, ka ndërtuar formacionet startuese të dy kombëtareve. Mbetet të shihet nëse ka goditur në shenjë, apo jo. Trajneri Gian Piero Ventura synon një lojë offensive, për të fituar dhe mos e lëshuar kryesimin e Grupit G, të cilin e bashkëndan me Spanjën për momentin, me nga 10 pikë.
Kolegu i tij kuqezi ka shansin e fundit në këtë fushatë eliminatoresh, për të mbajtur gjallë shpresën dhe ëndrrën. Një humbje në Palermo e zhbilancon Shqipërinë edhe për vendin e tretë në grup, jo më të dytin, të cilin De Biasi e naltoi si objektiv të tij në konferencën e parë për shtyp të pragndeshjes me Italinë, kur abrdhi emrat e lojtarëve të ftuar. Aktualkisht, kuqezinjtë kanë 6 pikë dhe mbajnë vendin e katërt në Grupin G, me dy fitore dhe dy humbje.
