Ndeshja Itali-Shqipëri, Blushi në stadium mes tifozëve kuqezi (FOTO në brendësi)

Në stadiumin e “Renzo Barbera” në Palermo po luhet ndeshja e shumëpritur Itali-Shqipëri. Në këto çaste në stadium ndodhet edhe kreu i LIBRA-s Ben Blushi, i cili që prej paradites së sotme ka publikuar disa herë foto me tifozë.

“PALERMO, TANI”, shkruan Blushi krahas fotos ku shihet mes tifozëve kuqezi.Politikani si shumë shqiptarë të tjerë ka udhëtuar nga Shqipëria drejt Italisë, për t’i ofruar mbështetjen futbollistëve të Kombëtares.

Ndërkohë, në stadium është shënuar goli i parë në përballjen Itali-Shqipëri. Ishte italiani De Rosi ai që çoi kombëtaren italiane në avantazh. Thomas Strakosha nuk e përballoi dot gjuajtjen e De Rosit, i cili e shënoi golin në minutën e 12-të. Për kombëtaren shqiptare kjo ndeshje është shpresa e fundit për t’u kualifikuar në Kampionatin Botëror. (D.D/Shuplaka)