Ditën e nesërme pritet të luhet ndeshja Partizani –Laçi në ”Elbasan Arena’. Policia ka njoftuar se do të merren disa masa për një zhvillim sa më normal të ndeshjes.
Konkretisht nuk do të lejohet parkimi i mjeteve afër stadiumit. Lokalet do të mbyllen rreth orës 16:00, tifozët nuk do të lejohen kategorikisht të kenë me vete sende të forta dhe fishekzjarre.
Policia gjithashtu u bën thirrje qytetarëve të minimizojnë lëvizjet në intervalet kohore të zhvillimit të ndeshjes.
Policia do të vë në dispozicion rreth 150 punonjës policie, të cilët duhet të angazhohen maksimalisht për një ecuri sa më normale të ndeshjes.
Discussion about this post