Edhe pse mbeti me 10 lojtarë me daljen e Ronaldos nga fusha e lojës që në minutën e 30 të takimit, Juventusi arriti që të triumfonte me rezultatin 2:0 mer Valencian në Spanjë.
Po çfarë mendojnë specialistët për daljen me të kuqe të yllit portugez Ronaldo? Sipas moviolës së specialistëve italiane, është një vendim i gabuar i arbitrit, dhe se gjithçka ka qenë e tepruar.
“Asistenti prapa portës lajmëron kryesorin për një kontakt në ajër mes Ronlados e Murilos. Pas një kontakti gjatë së cilit Murilo bie në tokë, Ronaldo i afrohet mbrojtësit kolumbian dhe e prek në kokë duke i tërhequr lehtë flokët. Asnjë e bujshme, por për arbitrin është karton i kuq i drejtpërdrejte. Vendimi duket i tepruar”, thuhet sipas moviolës së publikuar nga prestigjiozja italiane Calciomercato.
Ndërkohë që përveç ndeshjes që la në gjysmë mbrëmjen e djeshme Ronaldo do të humbasë dhe një tjetër ndeshje të rëndësishme që është ajo me Manchester United.
(E.K/FAXWEB.AL)
Discussion about this post