Kryeministri Edi Rama ishte mëngjesin e sotëm në familjen e Samiut e cila përfiton ndihmë ekonomike për herë të parë. Kreu i qeverisë tha se në mënyrë të prerë se “nuk do të marrin ndihmë ekonomike ata që janë të aftë për punë”.
“Thirrja që unë përsëris është nuk ka shans të marrin ndihmë ekonomike, nëse janë të aftë për punë dhe nëse u ofrohet punë, pastaj është punë e tyre,” u shpreh Rama.
Kreu i qeverisë I shoqëruar me ministren e Shëndetësisë, Ogerta Manastirliu, tha se janë përjashtuar 700 familje ku pjesa më e madhe janë abuzivë.
“Janë përjashtuar 700 familje ku pjesa më e madhe janë abuzivë, ndërkohë që ka një pjesë minimale që është pjesë e marzhit të gabimit që ne po e verifikojmë. Me skemën e re ne nuk vazhdojmë më me ndihmën e pjesshme. Tani ndihma është e plotë, se ka pasur nga ata që kanë marrë edhe 6 mijë lekë. Kjo ndihmë jep pak mundësi për frymëmarrje, nuk po themi që është më e mira e mundshme. Ka shumë njerëz që kanë dalë nga skema, sepse nuk e meritojnë, dhe nuk duan të punojnë,” u shpreh Rama.
“Në shtëpinë e Samiut, për Ndihmën Ekonomike që me reformën në proces nuk shkon më tek ata që nuk e meritojnë, po rritet për ata që janë më në nevojë nga gjithkush tjetër”, shkruan kryeministri në postimin e tij në Facebook.
(M.Q/Faxweb)
Discussion about this post