Në ditën Botërore të Shëndetit, kreu i Partisë Demokratike, Lulzim Basha ka shprehur mirënjpohjen e tij ndaj bluzave të bardha që po përballet prej një muaji me pandeminë e COVID 19. “Ata janë garancia dhe forca jonë, bashkë me të cilët do ta fitojmë këtë betejë”, shkruan Basha.
Më tej ai vijon duke thënë se mjekët kanë nevojë sot për mbrojtje, paisje, mbështetje duke shtuar falenderimet ndihmën financiare të SHBA, e cila do ti mundësojë sistemit shëndetësor 30 mijë kite testimi aq shumë të domosdoshëm në këtë betejë.
“Sot në #WorldHealthDay mirënjohja e zemrave tona i shkon gjithë personelit shëndetësor që po përballet prej një muaji me pandeminë e COVID 19. Ata janë garancia dhe forca jonë, bashkë me të cilët do ta fitojmë këtë betejë.
Ata sot kanë nevojë për mbrojtje, paisje, mbështetje. Sot dua të shpreh falenderimin tim për ndihmën financiare të aleatëve tanë strategjikë SHBA ,e cila do ti mundësojë sistemit shëndetësor 30 mijë kite testimi aq shumë të domosdoshëm në këtë betejë. Testimi dhe izolimi janë e vetmja mënyrë për të ndërprerë zinxhirin e infeksionit dhe për të mposhtur virusin. #ditemetemira”, shkruan Basha.
(F.GJ/FAXWEB.AL)
