Konferenca e Donatorëve ku do të mblidhen fonde si ndihma ndaj Shqipërisë së goditur nga tërmeti shkatërrimtar i 26 nëntorit të vitit të shkuar do të mbahet me 17 shkurt në Bruksel.
Lajmi është bërë i ditur nga ambasadori i BE-së në Tiranë Luigi Soreca si dhe presidentja e KE-së, Ursula von der Leyen.
Presidentja e Komisionit Europian Ursula Von Der Leyen ka folur në lidhje me këtë konferencë e cila do t’i vijë në ndihmë Shqipërisë për rimëkëmbjën pas dëmeve domethënëse që pësoi nga tërmeti i shkallës 6.4 rihter i nëntorit të shkuar.
Gjatë konferencës së përbashkët me kryeministrin e Kroacisë, Andrej Plenkoviç. presidentja Von Der Leyen tha:
“Jemi të lumtur që konferenca e donatorëve do të zhvillohet me 17 shkurt, pas tërmetit tragjik që goditi Shqipërinë. Do të përpiqemi të ndihmojmë Shqipërinë në fazën e rindërtimit. Muajit e ardhshëm janë të rëndësishëm për Ballkanin Perëndimor” tha Ursula Von Der Leyen.
Më pas presidentja e KE u shpreh se së bashku me Plenkojevic do të punojnë fort që edhe për Shqipërinë dhe Maqedoninë e Veriut të gjendet një rrugë për të hapur negociatat e anëtarësimit.
“Samiti i Zagrebit do të jetë mjaft i rëndësishëm, për të vënë para procesin e zgjerimit. Duhet të reflektojmë si ta përmirësojmë procesin e anëtarësimit. Do të përpiqemi të bëjmë të pamundurën për negociatat me Shqipërinë dhe Maqedoninë e Veriut, që dy vendet të plotësojnë kriteret e duhura për të arritur këtë.“, u shpreh presidentja e KE.
Konferenca e donatorëve për të ndihmuar #Shqipërinë në përpjekjet e saj për rindërtim pas tërmetit shkatërrues të 26 nëntorit të vitit të kaluar do të zhvillohet në 17 shkurt 2020 në Bruksel. Bashkimi Evropian ?? qëndron pranë Shqipërisë??. #BEpërShqipërinë???? https://t.co/Z0ecxID47W
— EU in Albania (@EUinAlbania) January 10, 2020
