Ndihmës Sekretari i Shtetit, Brendan Hanrahan, ka mbërritur në Kosovë për vizitën e tij të parë, ku është pritur nga e ngarkuara me punë e Ambasadës amerikane, Anu Prattipati.
Ambasada e SHBA-së në Prishtinë ka njoftuar se kjo vizitë është pjesë e angazhimit për forcimin e marrëdhënieve dhe përpjekjeve për stabilitetin dhe sigurinë rajonale. Gjatë qëndrimit të tij, Hanrahan do të zhvillojë takime dhe vizita për të thelluar prioritetet e SHBA-së për prosperitetin ekonomik.
Disa ditë më parë, ai pati një takim të ngjashëm me presidenten Vjosa Osmani gjatë qëndrimit të saj në SHBA. Ky është një hap i rëndësishëm për forcimin e lidhjeve mes dy vendeve.
