Policia ka ndaluar shtetasin Fatjon Karmeshtna, 35 vjeç, banues në Shkodër pasi akuzohet si bashkëpunëtor në një vrasje, ngjarje e ndodhur në vitin 2016.
Sipaa policisës 35-ishte bashkëpunëtor në vrasjen e shtetases Suela Sulaj e cila u gjet e pajetë në tualetin e mobilerisë ku ishte bashkëpronare me të shoqin.
NJOFTIMI I POLICISË:
Shkodër.
Ndalohet bashkëpuntori i vrasjes së shtetases S.S, ngjarja e ndodhur me datë 18.04.2016 në Shkodër, ku në lidhje me këtë ngjarje është arrestuar bashkëshorti saj, shtetasi Sadetin Sula.
Sot me datë 21.01.2018 nga strukturat e D.V.P. Shkodër , u bë ekzekutimi i urdhërit të ndalimit të shtetasit: Fatjon Karmeshtna, 35 vjeç, banues në Shkodër Ndalimi i tij u bë pasi gjatë hetimeve të kryera në bashkëpunim me Prokurorinë e Krimeve të Rënda Tiranë ka dyshime të bazuara në prova ligjore, se ky shtetas dyshohet si bashkëpuntorë në vrasjen e shtetases S. S.
Materialet iu referuan Prokurorisë së Krimeve të Rënda Tiranë për veprën penale të “Vrasje në mardhenie familjare, kryer në bashkëpunim” parashikuar nga neni 79/c e 25 i Kodit Penal.
NGJARJA:
Ngjarja e rëndë ka ndodhur me 18 prill të 2016. Suela Sulaj u gjet e pajetë në tualetin e mobilerisë ku ishte bashkëpronare me të shoqin.
Sadetin Sula e mbyti me duar të shoqen në një tjetër hapësirë të mobilerisë dhe më pas e futi në tualet, duke u munduar që ngjarja të dukej si vetëvrasje.
Por ekspertiza mjeko – ligjore e kryer në morgun e spitalit rajonal të Shkodres hodhi poshtë dyshimet se gruaja i kishte dhënë fund jetes.
Biznesmeni vijon të jetë në burg për vrasjen e të shoqes me akuzën “vrasje për shkak të marëdhenieve familjare”
(B.H/Faxweb)
Discussion about this post