Në një kohë që ka nisur zyrtarisht fushata elektorale për zgjedhjet e 25 Qershorit, të tjera surppriza dhurojnë palët politike.
Në qytetin e Durrësit në krah të ministrit të mjedisit Lefter Koka, njëkohësisht kryesuesi i listës së LSI-së për këtë qark është shfaqur deputeti socialist Shkëlqim Troplini.
Ata janë shfaqur së bashku në një takim me banorët e Shkallnurit dhe mbështetësve të kandidatëve të LSI-së.
Troplini (deputet në legjislaturën aktuale) , është i njohur për influencen e tij në Durrës. Ai më parë ka mbajtur dhe postin e kreut të OSHE-së në këtë qytet, gjatë viteve 2013-2015.
Duhet thënë se Koka është një tjetër personazh me mjaft ndikim në qytetin e Durrësit dhe në këto zgjedhje ai po tenton të marrë vota dhe ndër socialistët.
Beteja për Durrësin do të jetë një nga më të luftuarat ku përveç LSI-së dhge PS-së dhe Partia Demokratike së bashku me aleatin e futur në listën e tyre Agron Duka, do të kërkojnë të marrin maksimumin e deputetëve.
(E.K/SHUPLAKA)
