Deputeti Eduard Ndocaj ka publikuar në rrjetet sociale një foto ku shfaqet shtrirë në divan mes errësisrës. I veshur me një veshje serioze, pantallona dhe këmishë deputeti për të bërë pak dritë në errësirë ka ndezur një neon. Këtë e ka bërë pasi sipas deputetit disa zona si Njësia Administrative Kolsh që përfshin disa zona, edhe Manatine kanë më shumë se tre ditë pa drita.
“Nëse nuk vijnë dritat, javës tjetër do të marr batanijen e do të flej në Kuvend. Njësia Administrative Kolsh që përfshinë disa zona duke përfshirë edhe Manatinë kanë më shumë se tre dite pa drita. Situata është bërë e padurueshme dhe e rrezikshme për shëndetin e qytetaërve qe po mbarojnë nga i ftohti.
Dru nuk mund të presin se hyjnë në burge, drita s’ka e po thajnë nga i ftohti. Jemi të vetëdijshem se ka vite që nuk janë bërë investime në rrjetin elektrik, por qytetaret janë pagues të rregullt të energjisë elektrike. Prandaj me shumë si qytetare se sa deputetë i bej thirrje Ministrit Gjiknuri të gjejë një zgjidhje qoftë edhe provizore për të sjellë energjinë elektrike në Njesinë Administrative Kolsh (Bashkia Lezhë).
Po ashtu kjo thirrje vlene edhe për Drejtorin e Përgjithshem të OSH EE-së”, shkruan Ndocaj në mbishkrimin e fotos. Kjo foto ka pasur edhe shumë reagime nga ndjekësit e tij të cilët i bashkohen mendimit të deputetit. (J.V/Shuplaka)
Discussion about this post