Ndocaj “u qan hallin” demokratëve lezhjanë: Kush s’ka lekë të shkojë në Tiranë, të votojë Eduartin që jeton në Manati

Kryetari i Bashkimit Demokristian, Eduart Ndocaj, u ka bërë një ofertë të veçantë të gjtihë demokratëve lezhjanë. Duke u ndalur tek kandidatët e Partisë Demokratike për Qarkun e Lezhës, ai shprehet se të gjithë ata nuk mund të bëjnë dot vota sa ç’bën Eduart Ndocaj.

Duke vazhduar t’i ironizojë, ai shprehet se ata kandidatë nuk jetojnë në Lezhë, ndaj takimet me lezhjanët do i mbajnë në zonën e ish-Bllokut.

Për këtë arsye, duke u qarë hallin demokratëve lezhjanë, Eduart Ndocaj i fton ta votojnë atë, që e kanë afër, që jeton në Manati dhe kafen e mëngjesit e pi në Lezhë.

“Te gjithe kandidatet e PD ne Lezhe nuk bejne vota sa Eduart Ndocaj! Kryesusesit e listes se PD-se nuk jetojne ne Lezhe e takimet me lezhjanet do i lene ne zonen e ish Bllokut! 
Ata demokrate lezhjane qe s’kane leke per te shkuar ne Tirane, te votojne Eduartin qe jeton ne Manati dhe kafen e mengjesit e pi ne Lezhe!”, shprehet kreu i Bashkimit Demokristian.

(XH.A/SHUPLAKA)