Sot në orën20:45 nisi ndeshja mes Kroacisë dhe Kosovës në Zagreb, mirëpo gjyqtari i takimit ka ndërprerë takimin.
Kjo sepse ndeshja po luhej në kushte të jashtëzakonshme. Vetëm pak orë para ndeshjes, stadium ishte mbushur me ujë si një liqen për shkak të reshjeve të shiut, të cilat pamundësuan zhvillimin e ndeshjes.
Mediat kroate dhe ato kosovare shkruajnë se pas fillimit të ndeshjes, fusha u shndërrua më pas në një moçal.
Kështu gjyqtari vendosi të ndërpriste ndeshjen në minutën e 27-të. Lidhur me këtë UEFA ka dhënë edhe vendimin zyrtar.
Njoftimi i zyrtar i UEFA-s
Për shkak të kushteve të papërshtatshme të fushës, gjyqtari, në bashkëpunim me Delegatin e UEFA-s, ka vendosur që të pezullojë ndeshjen. Një lajmërim do të bëhet nga UEFA në momentin e përshtatshëm rreth vazhdimësisë së ndeshjes. (D.D/Shuplaka)
