Ditën e sotme disa persona ende të paindentifikuar i kanë vënë zjarrin mbetjeve urbane në lagjen numër 1 të Rrogozhinës.
“Rreth orës 17.00, jemi njoftuar nga Salla Operative Kavajë se në lagjen “Numër 1” të qytetit Rrogozhinë në vendin e quajtur “Ura e Lumit Shkumbin” po digjen mbetje urbane”, thuhet në njoftimin e policisë.
Sipas bardhëebluve, që Bashkia Rrogozhinë ka rreth katër vite që nuk e përdor këtë vend për grumbullim të mbetjeve urbane pasi ka kontraktuar një firmë për depozitimin e tyre në Landfillin e Elbasanit.
“Nga kqyrja e vendit të ngjarjes rezultoi se në një sipërfaqe 170 m x 40 m po digjeshin mbetje urbane në dukje të vjetra.
Nga ndërhyrja e shërbimeve të PMNZSH u bë shuarja e zjarrit, ndërsa nga djegia e këtyre mbetjeve nuk rezulton të ketë dëme materiale.”, thuhet më tej në njoftimin e policisë.
Ndërkohë hetimet vazhdojnë dhe policia po punon për të zbardhur detajet e plota të ngjarjes dhe identifikuar autorët. (D.D/Shuplaka)
