Një gjest shumë i lartë humanizmi ka ndodhur ditën e sotme në spitalin e Peshkopisë. Një grua shtatzanë, e cila rrezikonte jetën bashkë me foshnjen, ka marrë gjak nga personeli i spitalit në fjalë.
Gruaja, nga fshatrat e Bulqizës, u dërgua me urgjencë në repartin e gjinekologjisë së Peshkopisë.
Të sëmurës i duhej dhënë gjak. Në spital rezervat nuk mjaftonin. Këto bluza të bardha vendosën të shpëtonin gruan dhe fëmijën e saj. Pas më shumë se dy orësh ajo u kthye në jetë.
Mjekët dhe infermierët shqiptarë punojnë në shumë raste në kushte të vështira pune, por gjithmonë përpiqen të bëjnë më të mirën dhe të pamundurën për të shpëtuar jetë njerëzish. (A.R/SHUPLAKA)
Discussion about this post