Ndodh në Tiranë/ Autobuzi fillon të lëvizë vetë, pëfundon në trotuar, drejtuesi i automjetit: Zbrita për të marrë një shishe ujë, më pas nuk bëja dot gjë (VIDEO)

Një ngjarje jo e zakontë ka ndodhur mesditën e sotme në Tiranë tek pallatet 9 katëshe, ku një autobuz ka përfunduar mbi trotuar. Njerëzit rrotull shihen të panikuar nga ngjarja, ndërsa sipas informacioneve, drejtuesi i automjetit ka humbur kontrollin.

Sipas informacioneve të mbërritura në redaksinë e Fax News, nuk raportohet të ketë të plagosur, veçmas panikut të shkaktuar nga qytetarët. Siç duket ka qenë vetëm një defekt teknik që ka shkaktuar humbjen e kontrollit të automjetit nga ana e shoferit.

Paraprakisht burime jo zyrtare bëjnë me dije se autobusi ka qenë i ndaluar dhe shoferi kishte zbritur. Një fëmijë dyshohet se ka lëvizur marrshin. Fatmirësisht nuk ka pasoja në njerëz.

Ndërkohë është bërë testi i alkoolit ndaj drejtuesit të automjetit por rezultoi se nuk kishte konsumuar së fundmi.

Sistemi i frenimit funksionon përmes ajrit, dhe mjeti ka nisur të lëviz pa drejtuesin brenda. Ky i fundit i ka thënë policisë në dëshminë paraprake “Zbrita për të marrë një shishe uji. Pashë mjetin që po lëvizte u nisa drejt tij, por sbëja dot gjë. Fatmirësisht një shtyllë u u fut brenda fizarmonikës që pengoi lëvizjen e autobusit”