Mesa duket zhvillimet e fundit që kanë ndodhur në Kuvend, i kanë dhënë fund edhe historisë së bashkëpunimit mes PS-së dhe LSI-së në Bashkinë e Tiranës. Ditën e sotme teksa në Këshill diskutohet në lidhje me Buxhetin e vitit të ardhshëm për Tiranën.
Ajo qe vihet re është mungesa e këshilltarëve demokratë dhe atyre të LSI-së, duke nënkuptuar kështu edhe kundërshtinë që Veliaj do të përballet në 2 vitet e ardhshme të mandatit të tij në krye të Tiranës.
Në lidhje me këtë ka reaguar edhe këshilltari demokrat i Bashkisë së Tiranës Fabian Topollaj, i cili shprehet se në mbledhje janë vetëm 28 nga 61 këshilltarë. Po ashtu ai thotë se mbledhja është e bllokuar.
“Ne mbledhje jane vetem 28 nga 61 keshilltare. Mbledhja e Keshillit Bashkiak Tirane eshte e bllokuar sepse keshilltaret e PD dhe LSI kane bojkotuar buxhetin e korrupsionit te Erion Veliajt. Me ne fund opozita eshte me e madhe se hajduteria ne kete qyte”, shkruan Topollaj.
(E.K/FAXWEB)
Discussion about this post