Mediat e bëjnë sërish! Një person që ishte gjallë, u raportua se kishte mbetur viktimë e një atentati ditën e djeshme në kryeqytet.
32-vjeçari Emiljano Boçi, që mbeti viktimë gjatë ditës së djeshme, i njohur dhe me emrin Roland nuk është shofer i Drejtorisë së Doganave, por një i ri me të njëtin emër.
Në media u raportua fillimisht se viktima E.B, kishte punuar si shofer i Drejtorisë së Doganave, por rezultoi të ishte informacion i gabuar pasi ai gëzon shëndet të plotë çka është konfirmuar nga miqtë dhe kolegët e tij.
Gjithashtu fotot e përdorura gjerësisht në media nuk i përkisnin viktimës.
Boçi u vra dje me armë zjarri të dyshuar me silenciator ndërsa i plagosur ka mbetur shoku i tij, Melvi Disha, 27-vjeç.
Emiljano Boçi fotot e të cilit janë përdorur për lajmin me viktimën e atentatit ka reaguar ashpër duke thënë se është shëndoshë e mirë.
‘’Ju bej me dije te gjith njerzve te mi te dashur se un jam shendosh e mir po mjer ne qa gazetaresh kemi qe hedhin lajme pa fol me personin ne fjal ne kete rast me mua…Ju falenderoj te gjithve qe me keni mar ne tel dhe me keni shkruajtur”, shkruan Boçi.
Etja për lajme që ”shiten” te audienca duket se nuk do të reshtin së shkaktuari ”viktima”.
(E.K/FAXWEB)
Discussion about this post